About
شكون حنا ؟
وائل ومحمد، زوج صحاب جمعتنا فكرة وحدة: علاش ما نخدموش براند ملابس جزائري 100% يبدا من الزيرو وينافس الكبار؟
المشروع تاعنا ما بداش بملايير، بدا بورقة، ستيلو، ورسمة صغيرة (تخربيشة) تحولت مع الوقت لحلم حقيقي
النجاح عمرو ما كان خط مستقيم وحنا تعلمنا هاد الدرس بالطريقة الصعبة
من الفشل الى التغيير
الطريق ما كانش ساهل. خسرنا مرتين، وتعبنا بزاف.. بصح هاديك الخسارة هي اللي علمتنا الصح. بدّلنا الاستراتيجية تاعنا، خدمنا هوية بصرية تعمّر العين، وسهرنا باش نوجدو موقع ساهل وخفيف يريّحكم في الكوموند. هذا التعب كملناه باختيار دقيق للمورد باش نضمنولكم الكاليتي الشابة والسعر لي يساعدكم
شكون تراندي ؟
ما جيناش وحدنا، جبنا معنا تريندي. هذا ماشي مجرد ماسكوت، هو رمز لهويتنا البصرية الجديدة وواحد رسمي من ليكيب تاعنا. تراندي هو اللي يعبر على الروح العصرية والخفيفة اللي رانا حابين تكون في كل حاجة نخدموها
! تابعونا و ماتراطيوش الجديد
